قضايا و حوادث مريم بن مامي تقاضي علاء الشابي و سمير الوافي
نشر في 29 جانفي 2021 (16:05)
أكدت الممثلة مريم بن مامي أنها ستتوجه إلى القضاء و ستقاضي كل من الاعلاميين سمير الوافي وعلاء الشابي بسبب التسريبات الاخيرة المسيئة لها.
واضافت بن مامي قائلة إنها على ثقة بان القضاء سينصفها ضد ما وصفته بالمهزلة.
وكتبت بن مامي تدوينة على صفحتها بموقع التواصل الاجتماعي فايسبوك:
1/ نحب نشكر جميع احبائي الي ساندوني من بلادي و ليبيا و الجزائر و المغرب و مصر و الفنانين والصحافيين والسياسيين الي ساندوني و نقلكم الي تاثرت برشا بمساندتكم ليا. و انو محبتكم ليا كنز
2/ نحب نعلمكم الي سكوتي هاذا مش اختفاء ولكن ليوم فهمت الي اذا ما توريش حرارة يدك لعباد ما يترددوش بش اشوهولك صمعتك على اختلاف بسيط و ما ينظروش للعواقب.
3/ ولهاذا انا قررت بش نلتجئ للقضاء و ناخذ حقي بالقانون و ثقتي كبيرة في القضاء بش ينصفني و يتم ايقاف هذا النوع من المهازل.
4/ انا عمري ما كنت نقطع خبزة لعباد و ما انجمش نطالب انو هذا النوع من الصحافيين و المنشطين يتنحاو من البرامج متاعهم لان هاذا يرجع للمشاهدين و القنوات الي تعطيهم الفرصة بش يبرزو رغم الي عنا برشا صحافيين و فنانين يستحقو بلاصتهم.
5/ انا باهتة في حاجة: هو صحيح ان الهايكا ما عندها حتى دخل في هذا. لكن ما ترددتشي بش تعمل مراسلة على الfrançais متاعي في برنامج هاذي اخرتها. اما احنا نعرفو الي personnage publique تصرفاتوا و خاصة في البرامج الحساسة يتطلب نوع من النزاهة و نظافة اليدين و الاحساس و المهنية والرصانة و ضبط النفس و خاصة عدم انتهاز الشهرة للضرر بالاخرين. وان افعالهم خارج البرامج مرتبطة بادائهم المهني. و لكن اختارت الهايكا الصمت.
